انسخوله كان جابوا خبرا

المساهمات : 147 تاريخ التسجيل : 26/08/2010

يا جماعة أهلنا ناس السودان ديل عندهم كلام بعرفوه براهم ما في قومية تاني بتعرفو غيرهم .. زي الزول القال:

إنسخوله كان جابوا خبرا، سكوبة المعاز قنصوبة

الراجل بحكي عن واحد عنده كلبة صيد مريضة، فقال لأولاده الاتنين: ها جنيات سوقوا الكلبة دي لا ورا (رصصوها)، العيال حشوا (البندق) رصاص ومشوا مع الكلبة مسافة اتنين لتلاتة كيلو في الخلا غرب الدامر ، وفجأة لمحوا غزالتين، وصاحوا في الكلبة، جابت الأولى وجابت التانية، الجنيات اخدوا الغزالتين ورجعوا مع الكلبة ، ولمن الأبو شاف الكلبة راجعة مع الجماعة، قال لهم (ها سجم الرماد ما كتلتوها مالكم؟)، فرد عليه شايب كان متابع الموقف بالعبارة المذكورة: (ما سخوله "ويعني: لم ينووا قتلها -ما سخوا لها -" .. إن سخوله كان جابوا خبرا .. سكوبة "طاردوا بها" المعاز "الغزلان" قنصوبه) أي استخدموها في القنص.